نكت حمصية ...!!

_في واحد حمصي اشترى سيارة بي ام دبليو الحديثة وفتح عل راديو سمع هنا لندن قال يا لطيف شو سريعة !!!!!!!
ــــــــــــــــــــ
_كان في واحد حمصي حط يده في برميل من حمض الكبريت ووقت سحبها ما لقاها فدخل رأسه حتى يدور عليها!!!!!!!!!!!!!!!!
ـــــــــــــــــــ
_مره كان في واحد حمصي مسافر بالقطار وقعد جنبو واحد,فقال اللي جنب الحمصي : انا بردان من الشباك, فقاللو الحمصي : تشرفنا وانا حمدان من حمص
ــــــــــــــــــــ
_واحد حمصي معه قنبلة عم يلعب فيها اجى واحد وقاله له شو عم تعمل هلق بتنفجر فقاله له لا تخاف معي قنبلة غيرها..................
ــــــــــــــــــــ
_سألوا واحد حمصي : شو رأيك بالزواج المبكر ؟؟فقال : أي ساعة يعني ؟؟
ـــــــــــــــــ
_ليش الحماصنه خسروا بتجارة الموز؟لأنو كل مايشوفوا موزة مايلة يرموها.
ــــــــــــــــ
_مرة واحد حمصي شاف خمسمائة جديدة على الأرض فتلفت حوله ولما لم يجد أحد قام شال الخمسمائة الجديدة وحط محلها خمسمائة قديمة
_______
_حمصي بيقول لمرتو في عنا لبن قالتلو اية قال لها في عنا عسل قالتلو اية قال لها في عنا تمر قالتلو اية قالها قومي عمليلنا بيتزا
ـــــــــــــــــــ
_ في واحد حمصي اول مره بحياتوا بياكل علكه قام حلف يمين ما ينام الليل الا لما يخلصها
ـــــــــــــــــــ
_ وحدة حمصية قالها أبوها إجاكي أخ صغير قالتو: بذمتك ؟ لا تقول لأمي خليها مفاجئة
ـــــــــــــــــ
_ حمصي ضرب اخوه كف قام سائلو اخوه هادا جد ولا مزح ؟ قالوا جد قام قلو اخوه منيح لأني مابتحمل مزح
ــــــــــــــــــ
_ في حمصيين بمقابلة عالتلفزيون سألت المذيعة الأول : سوريا بالنسبة ألك شو؟ جاوبها سوريا أمي. سألت التاني سوريا بالنسبة ألك شو؟ قال ما بقدر أحكي على أم رفيقي ههههههههههههههه
ــــــــــــــــــ
_ حمصي قالوله في الصين كل دقيقة بينولد واحد قال يلعن أبو التطور هو أحنا كل 9 أشهر بينولد واحد
ــــــــــــــــــ
_ سأل المعلم طالب حمصي السؤال التالي: "ماذا تريد أن تصبح في المستقبل؟" أجاب الطالب: "كم أتمنى أن أصبح خبيرا" روسيا"!!!"
ـــــــــــــــــــ
_ واحد حمصي عمل عمليه شافها نجحت عملها مرة ثانية
ـــــــــــــــــــــــ
كان في واحد حمصي بالقهوة قال للكرسون جبلي واحد قهوة وسط واتنين هجوم
ــــــــــــــــــــــــــــــ
مرة في واحد حمصي راح لعند الدكتور قلوا دخيلك يا دكتور بدي حلل ,قلوا الدكتور آكل شي .. الحمصي قللوا له يا دكتور شوا جاي جربك
**************************************************************
* تقديم : أحمد محمد عربية *

مشكور موضوعك حلو كتير

هههههههههه
مشكور على المساهمة الظريفة

مشكور ابن عمتي

بس ما يشوف لموضوع الأخ باسل

هههههههههههههههههههه

بالعكس يا عبدو انا ما بزعل نكت كتير حلوة بعدين ابو حميد خلاص مشي حالو قررت اعطي الجنسية الحمصية شو رأيك ابو حميد

عراااااااااسي يا أخ باسل مع أنو أنا ادلبي / ديناوي
هههههه
وحمص وأهل حمص ما بس عالعين والراس وبالقلب كمان
عاشت حمص وأهل حمص ونادي الكرامة لأجلك
والنكت مجرد مزح مو أكتر
على كل لاتزعل قريباً كم نكتة عن ادلب

له يا ابو حميد مو من عوايد اهل حمص انها تزعل من النكت يلي بتطلع عليها لانو هي النكت يلي بيحكيها ؟ اكيد عن محبة انا متاكد من هدا الشي وبعدين انا منزل موضوع اسمو نكت من حمص تازة شوفهم ولسه عندي كم نكتة على كيف كيفك

والله أهل حمص أطيب ناس يا أخ باسل ...
وأنا بصراحة كتيير بحبون
والله بدون مجاملة

الله يديم المحبة بين جميع الأعضاء

وبين كل المواطنين السوريين في الداخل والخارج... آمين

في واحد تنازل عن جنسيته الحمصيه

ياحزركم ليش ؟


وفي واحد تجنس حمصي

يا حزركم ليش ؟

عجزت ابو خالد شو هو الجواب