اسفة

آسفة


آسـفة لكـل دموع نزلتلـك***آسفة إن كنت فى يوم حنيتلك
كنت فى يوم للقلب حبيب***يــاما بكـل الشـــوق غـنيتـلك

يـاما سهرت ويـاما بـكـيت*** صنت لحبك أجمل بيت
ياما عيون فى الحب نادتنى*** وأنا لعيونك بس ناديت

آســفة لحــبى بكـل كــيانـى*** آسفة إن انا خبيت أحزانى
خفت دموعى تشوفها عيونك***ينزل دمعك يوم علشانى

حــبك كــــان لحيـاتى الــجنة*** وانا ولا مرة معاك بتهنى
لكن كنت بشوف فى مشاعرى*** حب عشانه كتير بستنى

لومنى كمان على حب جنونى***اقسى كمان واخلفلى ظنونى
يمكن روحى تفـــــــارق حبك***يمكن صورتك تنسى عيونى

عمر القلب ما تاه فى كلام*** على دقاتك كان بينام
عمره ما جرّح قلب آمنله*** واما يآمــن يلقــى آلام

آسـفة بقولها فى آخـر يـوم *** قلبى فى حبك كان مظلوم
وده كان ذنبه وذنب عيونه*** وانا حـلـفـته علـيك مايلوم

لكن أغرب حاجة حقولها*** لـما كــرامتى الجرح يــطولـهـا
واما ألاقى الــدنيا تـلومك***(( قلبى مسامحه)) لسانى يقولها