التفاصيل الصغيرة

التفاصيل الصغيرة

ازعل عليك احيان
وأزعل على نفسي قبل ماأزعل عليك

وأرضى عليك احيان
وأرضى على الدنيا وانا راضي عليك

وأنت عمرك
مازعلت .. وماعتبت ... ومارضيت

أزعل علي لو كذب
أعتب علي لو كذب

هذي التفاصيل الصغيره
اللي تخلينا نحب

ماأحب انا ازعل عليك
ازعل انا لأني احب

***

ياادفي من حروف الشعر
ياأرق من حلم السنين

إذا تركتك تنتظر
حسسني إن انتا حزين

مابي تقول مسامحك
قل : ماأبيك

وإذا رجعت اصافحك
أبعد يديك

أنا انجرح قبل اجرحك
وأبكي عليك

لكن أبي مره تحس
وشلون أنا أمووت فيك

هي التفاصيل الصغيره
اللي تخلينا نحب

ماأحب أنا أقسى عليك
أقسى أنا لأني أحب

***

أدري فيك تموت فيني
وأنا ميت من برودك

لي متى وانتا تبيني
وماتحسسني بوجودك

ايه ... حسسني بوجودك

لمّ صوتي
بعثر حكاية سكوتي

لاتخلي الحب يفقد همسك العذب ويمووت
قل أحبك ..
قل أحبك بأعلى صوت

انا مليت السكوت


***

ياابتسامة قلبي ولهفة حنينه
ياشقاه وياحنانه

يابعد كل المسافات الحزينه
معك امانه

الدروب اللي مشينا .. لاتضيع ونغترب

بالتفاصيل الصغيره
نقدر نعيش ونحب


فهد المساعد
.
.
للإستماع بصوت الشاعر

اضغط على

.
.
[ندعوك للتسجيل في المنتدى أو التعريف بنفسك لمعاينة هذا الرابط]

مشكور عمو تسلم ايدك

الله يعطيك العافية اخ عمار